Hukuncin ya biyo bayan samunsa da laifin harba bindigar a wani gangamin jam’iyya da ya gudana shekaru takwas da suka gabata lamari da kotu ta bayyana a matsayin take doka da gangan.
A yayin yanke hukuncin, dubban magoya bayansa sanye da jajayen kaya sun mamaye harabar kotu, suna nuna cikakken goyon baya ga jagoransu. Lamarin ya ƙara nuna irin tasirin da Malema ke da shi a siyasar ƙasar.
Sai dai wannan hukunci bai zo ba tare da cece-kuce ba. Yayin da gwamnati ta nemi hukunci mafi tsauri na shekaru 15, lauyoyinsa sun dage cewa abin da ya aikata kawai nuna murna ne, ba tare da wata niyyar cutarwa ba.
Jam’iyyar EFF ta bayyana shari’ar a matsayin wani yunkuri na siyasa domin dakile murya mai ƙarfi a fagen adawa, tana mai cewa an nufi raunana tasirin Malema ne.
A gefe guda kuma, magoya bayansa sun yi barazanar shiga zanga-zanga idan aka tura shi gidan yari, lamarin da ke iya ƙara ɗora ƙasar cikin sabon yanayi na tashin hankali.
Yanzu dai hankula sun karkata kan matakin da kotu za ta ɗauka gaba, yayin da lauyoyinsa suka shirya ɗaukaka ƙara,abin da zai iya sauya akalar wannan shari’a mai cike da tarihi.
