INEC TA GARGADI JAMA’A KAN SHAFIN DAUKAR MA’AIKAN WUCIN-GADI NA BOGI
INEC ta bayyana cewa shafin ba shi da wata alaƙa da hukumar, tare da jaddada cewa dukkan bayanai da ƙididdiga ko takardun neman aiki da ke cikinsa ƙarya ne kuma an ƙirƙire su ne domin yaudarar jama’a.
Hukumar ta ce tana gudanar da ɗaukar ma’aikata ne kawai ta shafin ta na hukuma mai suna INECPRES.
Hukumar ta shawarci masu neman aikin da su riƙa tantance sahihancin duk wani bayani ta shafukanta na hukuma kuma su guji shafukan da ba su dace ba, tare da kaucewa bayar da bayanan sirri kamar BVN da takardun bayanan mutum ko bayanan asusun banki.
Hukumar ta kuma buƙaci duk wanda ya yi rajista a shafin ta bogi da ya dakatar nan take, ya sake nema ta hanyoyin da INEC ta amince da su.
